Lotàr pa la independensa a xé legàl, ma ghe xè rènto l’exèrsito déle pònte de asùrdo fanatìxmo, de xènte ca la vìve rento on mòndo de invaxà mentàl, de nostàljeghi del fasìxmo, de xénte scoadrìsta, de militàr ca crède ncòra a asurdità del tìpo : patria, sagri confìni, sacrifìso estremo, indisolubilità, eternità de el stàto taliàn, eroìxmo…..
Sti minorà mentàl, sti pistolèri mancà, sti mutilà neurolojisi, li xè rènto i carànba, rento i parà, e purtròpo a se li catèmo rènto procùre, majistradure, prefetùre, inte le piàse e in mèxo el pòpolo, armà fin i dìnti de arme e esploxìvi. Le stràje dei ani 60 e 70 del sègolo pasà le xè stà in bona aprte architetà e prategà da sta xénte.
Nàltri de la Gaxéta ghemo tirà sù na sèrie de testimoniànse ca ghemo sintetixà inte na sèrie de consìli de conportamento pa prevenìr e tutelàrse da sti fanàdeghi de l’italianità.
-Ati de terorìxmo : Ghe xè on filòn stòrego a ndo ca carànba e parà li metea bonbe soi trèni e so le piàse pa creàr i prexupòsti de la militarixasiòn del teritòrio. Dèso li costruise i nemìghi in Afghanistan e no li ga bexògno de sti spauràsi. Savemo puìto ca ànca monabonber el xè on prodòto taliano pa justifegàr la militarixasiòn de la Venesia. Sa rìva le bonbe puntemo el dèo sensa paùra, ghe xè internet.
-Aguàti : I ve spèta fòra de càxa, o li fa inrusiòn mascarando na rapìna e li ve masàcra de pàche fin corparve in sèrti càxi. In jènare pa ste ròbe, i carànba li dopàra la criminalità co che i ga senpre raporti de scànvio. El tanponamento in màchina in lòghi ixolà, el xé bastansa tìpego, e li ve masàcra de pàche.
Intimidasiòn e Minàse : Le caxèrme le xè el lògo privilejà pa sto tìpo de asiòn parchè le xé teritorio militàr e li gòde de anonemà e protesiòn. Fra l’altro riprexe e rejistrasiòn rento na caxerma militàr no le xè produsìbili rento on tribunàl, dela sèrie lori anca sa li vien riprèxi masacrarve no li xé parsevitàbili. Pa sta raxòn se ga da evitàr de entràr rento le so caxerme e se ga da pretendar de tratàr co parsonàl sivìl de polisia in loghi sivìl. Co l’exèrsito taliàn rifiutè el diàlogo.
-Pedinaminti : I dopàra i satelitàri, el vòstro selulàr o i ve pìca dei segnaladòri so vestìti e acesòri. A xé inùtile scanpàr, i sa tùto de tì.
-Intersetasiòn : Tùte le machine dei carànba le xé dotà de risevitòri ca i ve scòlta pa strada co parlè. Co li se ferma a 20 mètri da vàltri li dopàra on risevitòr diresionàl pa scoltarve, se rìva scoltàr on ca ciàcola co trancoilità a pì de 200 mètri. telefoni, skype, selulàr, posta, a xè tùto stracontrolà. Chele ca le vien ciamà onità mòbili, le xé dele stasiòn de spionàjo. Li viòla ogni dì l’intimità del vòstro ordenador co si in rète e tùto sensa parmèsi. Le videocàmare puxà so tùti i comùni le vien controlà da le stasiòn dei carànba (on càxo?).
-Ricàti : Chi ca ga asèso al controlo de l’informasiòn e ve spìa tùto el dì, el xé inte la poxisiòn de ricatàrve. El mejo mòdo de no ver paùra el xè chel lì de proclamàr na gràn libaralità schierarse difexa de mori, ebrei, fenòci, sìngani, anarcheghi, roje e tùte chele categorie ca le vien discrimenà. Chi ca fà el puritàn e de scontòn el va coi trans, el xé ricatàbile.
-Estorsion : Traverso minase e ricàti li ve fa firmàr, li ve òbliga fàr dichiarasiòn, li se conpòrta conpàgno de l’incoixisiòn. sa si vìtime de ste situasiòn, ciapè e ndè sùito in polisìa e fè na denùnsa scrìta. No ste ver paùra de la controcoerela, in jènare i stìsi majistrà e procuradòri li sa de sti episòdi, li arcìva ma li riciàma sti criminali in divìxa.
-Parcoixe : Ghe xè do mòdi de fàrle, el primo col sertifegà li vien càxa vòstra, st’altro li simùla na “rapìna in vìlla”, li ve indormensa o lìga e li serca chel ca li vol. Ricordeve ca durànte le parcoìxe li sèmena prinsipalmente microspìe pa scoltàr e rejistràr le vòstre conversasiòn, o li mète xò dei marcadòri ca li àsa nàno tràse de vàltri in ogni lògo ca ndè.
-Criminalixasiòn : La creasion de nemìghi la xè on dei fondamìnti del consenso. On dèi mòdi pa screditàr sta tecnega, la xé chela de ridicolixàrli. Doparemo tuti i mexi pa fàr controinformasiòn. Metèmoli la berlina sol web co nomi e cognomi, ore, loghi, dàte. La so fòrsa la xè el silensio nostro e el so anonemà. Sputanemoli sol web.
-Corusiòn : La xè na vècia àrma e crònega tùti i liveli. No ve convien fàrve corònpar, la Venesia lìbara la xé na sertesa entro 10 ani e forse gràn manco. A vol dìr ca ve vendarìsi a on nemìgo ca el gà xa perdesto. Pòco ma segùro, a se ricordaremo de tùta sta marmàja e farèmo na bèla pulisia, el xé on dovèr dòpo 150 ani de opresiòn, sfrutamento. Segnè nomi e cognomi e co sarà òra faremo justìsia.
-Ridicolixasiòn e difamasiòn : la costrusiòn de stereòtipi la xè ramaj na tecnega sorpasà, ma la difamasiòn la xè l’arma ca la vien doparà da le stasiòn dei carànba ca le prodùxe telex ca rìva so tùte le redasiòn dei jornali de rejime. No inporta la verità, inporta sòl chi ca la mànda. Le redasion dei jornali e tv le funsiòna da ripetidòri de l’exersito.
-Bluff : Dopo i Serenisimi i carànba li ga fésto el porta a porta minasàr la xènte pa disuàdarla da la protesta. Se gà tratà de on bluff parchè no li gheva altro, xèrimo sul sèrio a on pàso da la libartà. I Vèneti li se ga fésto spauràr e se gà chietà tùto.
-Falsifegasion de prove, versiòn, fàti : la xè bastansa tìpega, li dopàra sto mètodo pa sfiancarve parchè le spexe legàl le xé grànde, mentre lòri no ghe costa gnìnte incriminàrve, pàghe senpre vàltri, co l’estorsion fiscàl de stàto.