112 mila in tutto. Se sémo capìi, ghe xè on comersalista ogni 500 parsòne, prategamente ogni 100 laoradori ghe ne xè on ca vien pagà pa conpilàr le càrte e la burocrasia verso el stàto taliàn! Considarando ca in mèdia on comersalista el porta càxa 150 mila euri lordi ogni àno, vol dìr ca el còsta a la sosietà sìrca 1500 euri a l’ano a ògni laoradòre in proprio, vol dìr ca a la coletività conprexi i puteli el vien sirca 1 èuro ogni dì! In Usa ghe xé l’autosertefegasion fiscàl e i comersalisti li xe prategamente inexistenti. In Dinamarca a xé tuto gratis.
Penseve ca ca sòlo gràsie a la conplesità del 740, i comersalìsti li pol vèrxar na atività, sol parchè el stàto taliàn el ga creà on modèlo fiscàl asùrdo a ndò ghe vol on laureà pa fàr la denunsa dei rèditi.
E diritura i comersalisti li ga la pretèxa de fàr na funsion sosiàl filantròpega, on fià fa na badànte. Dèso co la crìxi li tàca catàrse sensa laòro, i cliènti li se ga stracà de sti contàbili ca no ghe ne ciàva gninte de le axiende e li pensa solo paràr su faturà pa ciapàr comisiòn. I clienti serca xènte sgamà ca li jute sul sèrio no pagar on stato ladro fa chelo taliàn. I clienti li vol far eluxion, vol spostar i capitàl l’estaro al segùro lontàn da le ònje de ròma. Eco ca sta categoria de parasìti la se càta in crìxi e lòra la xè drìo inventarse naltra profesiòn : da contàbili li vol deventar anca lòri controlòri e li vorìa èsar ecoiparà a dei pùblisi ofisiàli ca sertìfega l’onestà de le dichiarasiòn. In pratega, invese de ndàr laoràr li vol fàr i controlòri anca lòri. Far i controlòri a xè pi fàsile ca prodùr schei vèri e ndàr laoràr. far el controlor vol dir no risciàr, vol dìr no pagàr mài e portàr càxa el stipendio. Eco parche tuti vol fàr i caranba e finansieri, parche se se gràta i cojòni e se vìve de rendita. I notàri còsa xèli fòra ca dei controlòri? Eco ca sta casta de 112 mila parasìti la serca anca èla de deventar na institusiòn privilejà. Sòlo lori podarà sertifegàr (inpedendo l’autosertifegasion del sitadìn fa in tuto el resto del mondo). Diritura i malà mentàl li pàrla de “orientàr el cliente verso la fedeltà fiscàl”, dela sèrie, ve insegnemo metarve la vaxelina pa farve infenociàr da ròma.
In sto mòdo el comersalista no gavarà pì paùra de perdar el cliente parchè el deventa escluxivista sertifegadòr, de la sèrie se no te vien da mì te ve dal me visìn, conpagno dei notàri. Eco fa se parpetua el parasitixmo, la nàsita e consolidasiòn dei privileji e de le categorie.