Chi ca a te oprime, chi ca a te colonìxa el te dispresarà sènpre, el te sfrutarà, el te privarà de dignità, richesa, stòria, lengoa. La to Lengoa la deventarà on “dialetto”, ti te sarè on “ignorante contadìn”, inferiòr, ca no sa parlàr, “inbriagòn” e le to tòxe déle “putàne”. Sa te fe coalche schèo i te dirà ca xé mèrito sòo o ca te si fortunà o ca te te si arichìo so la pèle de st’altri, ca te si in concluxiòn on “sfrutadòr sénsa sintiminti”. La stànpa, la TV, la scòla, tùto el sistema propagandistego in màn al rejìme ca a te oprìme el favorirà stereòtipi ca te inpitùra cusì. Par còntro, el bèlo, el bon, l’onèsto, l’inteletuàl, l’òmo o la fémana de susèso, li parlarà la lengoa de chi ca xè al podèr.
Sa ghe asémo ai taliàni scrìvar la so stòria, descrìvarne, parlàr de naltri e dèi nostri bexògni, ste segùri ca restemo sciài. Credìlo ca i feudatàri scrivese la stòria dei sciài in ògni època e lògo? Ghemo da inpadronìrse de la nòstra stòria, de la nostra Lengoa e scrìvarli ànca inte la Lengoa frànca : l’Ingléxe. Ghemo on pùblego de 5 miliardi de parsòne, xé lòri ca ga da savèr la situasiòn de opresiòn e sfrutamento ca i italiani e l’italia li xè drìo atuàr contro de naltri. Sèmo vìtime de on apartheid, on etnosìdio, e jenosìdio pasà. La nostra leteradùra la vien ciamà “volgare italiana”. Lìbri intièri li vien arcivià e interà inte le bilbioteche sòto on fàlso nòme. Ne vien proibìo parlàr la nostra Lengoa, proibìo scrivarla, e derixiòn e umiliasiòn vien riservà a chi ca rivendica sto dirìto. La nostra stòria i la gà scanselà e i nostri fioli obligà inparàr memoria na stòria e na leteradùra ca no ghe apartien. le nostre risòrse le vien depredà :
a)le axiende ca le fa export traverso turìxmo e vèndita de prodòti, le vien masacrà dà l’exersito taliàn ca el controla l’economia (goardia de finansa).
b)i nostri laoradori e inprexe le vien tasà co on prelievo asùrdo ca podemo ciamàr sensa mèxe paròle : “ròbo”
c)la nostra fòrsa laòro e inteletuàl doparà col sòlo fìn de aumentàr la coantità de schèi ca ga da ndàr ròma.
d)el nostro teritòrio desfà pa fàr posto a on modelo produtìvo suisìda.
Sèmo sensa mèxi termeni, na colonia produtìva de on stàto nemìgo e invaxòr.
Prelievo economego e anichilimento identitàrio le xé le do colòne de la dominasiòn taliàna.
Tèrso fatòr, el prosèso de colonixasiòn masìva de limenti estranei la nostra coltùra : foresti taliani rento la burocrasia inte i lòghi ciàve del poder economego, politego, colturàl, jurìdego, in pì milioni de imigrà òltre màr ca in cànvio del parmeso de sojòrno e de la sitadinansa li se trànsfòrma inte i nòvi paladìni del nasionalixmo e fanatìxmo taliàn.
El stàto taliàn el dopàra l’exèrsito pa fàr polìtega e amininstràr la justìsia travèrso la capilàr distribusiòn de pseudo stasion de “polisia” inte el teritòrio, e la prexènsa osesiva rento procùre, majistradùre e prefetùre, de militàr.